Azərbaycan Texniki Universitetinin (AzTU) bakalavr tələbələri “Erasmus+” mübadilə proqramı çərçivəsində Türkiyənin Atatürk Universitetində 2024/2025 tədris ilinin payız semestrində təhsil almaq üçün müraciət edə bilərlər.    

Qeyd edək ki, mübadilə aşağıdakı ixtisaslar üçün nəzərdə tutulub:

· Kompüter mühəndisliyi

· Elektrik-elektronika mühəndisliyi

· Mexanika mühəndisliyi

· Metallurgiya və materiallar mühəndisliyi

İxtisaslar və fənlərlə bağlı ətraflı məlumatı linkə daxil olmaqla əldə edə bilərsiniz. 

Mübadilə üçün şərtlər və tələb olunan sənədlər:

- Bakalavr tələbəsi olmaq (1-ci və 2-ci kurs)

- Ərizə forması (Application Form)

- Transkript (ÜOMG minimum 75 bal)

- İngilis dili biliyini təsdiq edən sənəd (minimum B1 səviyyəsi) 

Mübadilə proqramında iştirak etmək istəyən tələbələrdən tələb olunan sənədləri erasmus@aztu.edu.az elektron poçt ünvanına mövzu hissəsində müraciət etdikləri universitetin adını qeyd etməklə göndərmələri xahiş olunur. 

· Sənədlər siyahıya uyğun göndərilmədiyi təqdirdə müraciətlər qeydə alınmayacaq.

· IELTS sertifikatı olanlara seçim zamanı üstünlük veriləcək.

· Sertifikat təqdim edilmədikdə ingilis dili biliyi üzrə müsahibə təşkil olunacaq. 

Müraciət üçün son tarix: 19.05.2024 

Əlaqə:

Beynəlxalq əlaqələr şöbəsi (AzTU, əsas korpus, 3-cü mərtəbə, 325-ci otaq) 

E-poçt: erasmus@aztu.edu.az

Tel: (+994 12) 539 13 48