Azərbaycan Texniki Universitetinin (AzTU) bakalavr tələbələri “Erasmus+” mübadilə proqramı çərçivəsində Polşanın Rzeszow Universitetində 2024/2025 tədris ilinin payız semestrində təhsil almaq üçün müraciət edə bilərlər.

Qeyd edək ki, mübadilə Mexanika mühəndisliyi ixtisası üçün nəzərdə tutulmuşdur. Fənlərin siyahısına linkə daxil olmaqla baxa bilərsiniz.

Mübadilə üçün şərtlər və tələb olunan sənədlər:

Bakalavr tələbəsi olmaq (1-ci və 2-ci kurs)

Ərizə forması (Application Form)

Transkript (ÜOMG minimum 75 bal)

İngilis dili biliyini təsdiq edən sənəd (minimum B2 səviyyəsi)

Mübadilə proqramında iştirak etmək istəyən tələbələrdən tələb olunan sənədləri erasmus@aztu.edu.az elektron poçt ünvanına mövzu hissəsində müraciət etdikləri universitetin adını qeyd etməklə göndərmələri xahiş olunur.

· Sənədlər siyahıya uyğun göndərilmədiyi təqdirdə müraciətlər qeydə alınmayacaq.

· IELTS sertifikatı olanlara seçim zamanı üstünlük veriləcək.

· Sertifikat təqdim edilmədikdə ingilis dili biliyi üzrə müsahibə təşkil olunacaq.

Müraciət üçün son tarix: 19.05.2024

Əlaqə:

Beynəlxalq əlaqələr şöbəsi (AzTU, əsas korpus, 3-cü mərtəbə, 325-ci otaq)

E-poçt: erasmus@aztu.edu.az

Tel: (+994 12) 539 13 48