Tələbə gənclər təşkilatının dayanıqlı inkişaf fəaliyyəti
Azərbaycan Tələbə Gənclər Təşkilatları İttifaqı və çətiri altında fəaliyyət göstərən Azərbaycan Texniki Universiteti Tələbə Gənclər Təşkilatı Dayanıqlı İnkişaf Məqsədlərini daima dəstəkləyir. Dayanıqlı İnkişaf Məqsədləri (SDG), dünyanın müxtəlif sahələrində sürdürülməli inkişafı təmin etmək üçün təsdiq edilmiş 17 məqsəddir. Bu məqsədlər Birləşmiş Millətlər Təşkilatı tərəfindən qəbul edilmişdir və 2030-cu ilə qədər həyata keçirilməsi planlanır. Onlar arasında məşhur məqsədlər, məsələn, yoxsulluğun ləğv edilməsi, təmiz su və sanitariyanın təmin edilməsi, cinsi bərabərliyin təmin edilməsi, iqtisadi inkişafın təşviqi və daha bir çox sahə var.
Azərbaycan Texniki Universiteti də dünya üzrə birgə çalışmağa və sürdürülməli inkişafı təmin etməyə çalışır. Bu xüsusda tələbələrin SDG-nin əhəmiyyəti ilə bağlı daha da məlumatlı olması və onun 17 dayanıqlı inkişaf məqsədinin mahiyyətini dərk etməsi ilə bağlı AzTU-da müxtəlif tədbirlər icra olunur və klublar yaradılır. Gənclər və İdman Nazirliyi, Gənclər Fondu, UN Azərbaycanın dəstəyi, ATGTİ-nin təşkilatçılığı ilə “AzMUN” - Ölkımizdə BMT Modeli Klubları Şəbəkəsinin Dəstəklənməsi Proqramı yaradılmışdır.
AzTU TGT-nin nəzdində Dayanıqlı İnkişaf Məqsədlərinin inkişafı və dəstəklənməsi üçün 3 klub fəaliyyət göstərir.
İlk olaraq ekologiya klubu təbii ehtiyatların qorunması, ətraf mühit problemlərinin həll olunması,iqlim dəyişikliyi kimi mövzularda tələbələrn bilik və bacarıqlarının artırılmasına fürsət yaradır. Klub müxtəlif seminarlar, konfranslar, təmizlik və ağacəkmə aksiyaları təşkil edir.
Yaşıl enerji klubunda tələbələr bərpa oluna bilən enerji mənbələrini araşdırır,ətraf mühitə zərər vurmayan layihələr mövzusunda lider olub, daha sağlam kampus və cəmiyyət üçün çalışırlar. Tək bununla bitmir, onlar komanda yaxud fərdi şəkildə enerji texnologiyaları mövzularında yarışlarda, akademik konfranslarda məqalələri ilə çıxış edir və uğurlar əldə edirlər.
Liderlik klubu dayanıqlı inkişaf məqsədlərinin inkişafına birbaşa dəstək göstərəcək mövzularda layihələr, mentorluq proqramları,panel müzakirələr keçirir, yaxud bu mövzularda təşkil olunan tədbirlərdə tələbələrin iştirakına dəstək göstərir. Klubun əsas məqsədi daha ədalətli, bərabər və dayanıqlı dünya yaratma düçüncəli gələcək nəsil yaratmaqdır.
Tələbə gənclər təşkilatları daxilində davamlı inkişaf fəaliyyətləri həm yerli, həm də qlobal səviyyədə ekoloji, sosial və iqtisadi davamlılığın təşviqinə yönəlmiş geniş təşəbbüsləri əhatə edə bilər. Tələbə gənclər təşkilatlarının tez-tez məşğul olduqları bəzi ümumi fəaliyyətlər və təşəbbüslər bunlardır:
Maarifləndirmə Kampaniyaları: Tələbələri və ictimaiyyəti iqlim dəyişikliyi, biomüxtəlifliyin itirilməsi və davamlı həyat təcrübələri kimi davamlılıq problemləri haqqında maarifləndirmək və tələbələrin və icma üzvlərinin davamlı inkişaf liderləri olmaq potensialını artırmaq üçün kampaniyalar, təlim sessiyalarının,konfransların və seminarların təşkili.
Yaşıl Tədbirlər və Təşəbbüslər: Ekoloji şüur və fəaliyyəti təşviq etmək üçün sıfır tullantı yarmarkaları və ya ağac əkmə tədbirləri kimi ekoloji cəhətdən təmiz tədbirlərə ev sahibliyi etmək.
İcma ilə əlaqə: İcma bağları, bərpa olunan enerji qurğuları və ya təkrar emal proqramları kimi yerli icmaya fayda verən layihələrin həyata keçirilməsi.
Tədqiqat və İnnovasiya: Davamlılıq mövzularında tədqiqat layihələrinin aparılması, davamlı inkişaf məqsədlərinə töhfə verən innovativ həllər və ya texnologiyaların hazırlanması.
Tərəfdaşlıq və Əməkdaşlıq: Təsiri artırmaq və davamlı təşəbbüslər üçün resursları bölüşmək üçün digər tələbə təşkilatları, yerli bizneslər, QHT-lər və ya dövlət qurumları ilə əməkdaşlıq etmək.
Monitorinq və Hesabat: Davamlılıq təşəbbüslərinin təsirinin monitorinqi və hesabatlılığı və şəffaflığı gücləndirmək üçün maraqlı tərəflərə tərəqqi barədə hesabat vermək.
Ümumiyyətlə, tələbə gənclər təşkilatları kampuslarda və icmalarda davamlılıq mədəniyyətinin inkişaf etdirilməsində mühüm rol oynayır. Bu fəaliyyətlərlə məşğul olmaqla, onlar təkcə ətraf mühitin qorunmasına töhfə vermir, həm də gələcək liderləri daha davamlı və ədalətli dünya üçün müdafiə etmək üçün gücləndirirlər.
