İnstitutun əsas fəaliyyət istiqamətləri:
İnstitut bu məqsədə nail olmaq üçün aşağıdakı fəaliyyət istiqamətlərinə fokuslanır:
- Dövlət və özəl sektor təşkilatları tərəfindən sifariş edilmiş elmi-tədqiqat işlərini yerinə yetirmək üçün yerli və zəruri hallarda xarici təşkilatlarla əməkdaşlıq çərçivəsində fundamental və tətbiqi tədqiqatların aparılması;
- AzTU-da kibertəhlükəsizlik sahəsində və süni intellekt texnologiyalarının tətbiqi üzrə aparılan elmi-tədqiqat işlərinin dəstəklənməsi və koordinasiyası;
- Kibertəhlükəsizlik və Süni intellekt üzrə aparıcı mütəxəssislərin AzTU-da tədqiqat işlərinə cəlb edilməsi, bu sahədə yüksək ixtisaslı tədqiqatçı kadrların hazırlanması;
- Kibertəhlükəsizlik və Süni intellekt sahəsində innovativ xarici texnologiyaların, tədqiqat və inkişaf fəaliyyətlərinin izlənilməsi və ölkədə tətbiq imkanlarının axtarışı;
- AzTU-da kibertəhlükəsizlik sahəsində təhsilin, süni intellekt sahəsində layihələrə əsaslanan təhsilin təşkilinə dəstək verilməsi, o cümlədən bakalavriat və magistratura tədris proqramlarının təkmilləşdirilməsi;
- Kibertəhlükəsizlik və Süni intellekt üzrə müxtəlif səviyyəli təhsil, təlim və peşəkar inkişaf proqramlarının hazırlanması və həyata keçirilməsi;
- Kibertəhlükəsizlik infrastrukturun qurulması, Süni intellekt texnologiyalarına əsaslanan infrastrukturun qurulması sahəsində çalışan yerli müəssisə və təşkilatlara məsləhət və elmi ekspertiza xidmətlərinin göstərilməsi;
- Kibertəhlükəsizlik və süni intellekt sahəsində həyata keçirilən beynəlxalq və yerli layihələrdə, simpozium və konfranslarda iştirak.