Azərbaycan Texniki Universitetində Strateji inkişaf planına uyğun olaraq monitorinq və qiymətləndirmə proseslərinin izlənilməsi, institusional və proqram akkreditasiya proseslərinin təşkili, özünütəhlil fəaliyyətləri əsasında təkmilləşdirmə planlarının hazırlanması, həmçinin universitetin beynəlxalq reytinqlərdə mövqeyinin yüksəldilməsi məqsədilə AzTU-nun 14 may 2025-ci il tarixli F-67 nömrəli əmri ilə Keyfiyyət və Reytinqlərin İdarəedilməsi Komitəsi yaradılmışdır. Universitet üzrə keyfiyyət təminatı sisteminin strateji əsaslarla formalaşdırılması və davamlı inkişaf etdirilməsi, daxili və xarici qiymətləndirmələrə hazırlığın təmin edilməsi, müvafiq göstəricilərin yaxşılaşdırılması komitənin əsas fəaliyyət istiqamətlərindəndir. Eyni zamanda milli və beynəlxalq reytinqlərdə universitetin mövqeyinin yüksəldilməsi üçün indikatorlara əsaslanan təhlillər aparılması və fəaliyyətlərin əlaqələndirilməsi daxildir. Komitənin ümumi məqsədi universitetdə təhsil və elmi fəaliyyətin keyfiyyətinin yüksəldilməsi, beynəlxalq və yerli reytinqlərdə mövqeyin yaxşılaşdırılması, keyfiyyət təminatı mexanizmlərinin tətbiqi və davamlı inkişafın təmin olunmasıdır. Komitə aşağıdakı tərkibdən ibarətdir: