Metallurgiya və materialşünaslıq

Fakültənin təqdimatı

Azərbaycan Texniki Universitetində (AzTU) metallurgiya sahəsində mütəxəssis hazırlayan Metallurgiya və materialşünaslıq fakültəsi 1964-cü ilin fevralında yaranıb.

Bu fakültənin ixtisaslarını bitirən məzunlar respublikanın ən iri metallurgiya və maşınqayırma zavodlarında, şirkətlərdə və elmi-tədqiqat laboratoriyalarında işləyə bilərlər.

Təhsil azərbaycan və rus dillərində aparılır.

Fakültənin nəzdində 2 kafedra fəaliyyət göstərir:

• Metallurgiya və materiallar texnologiyası

• Kimya texnologiya, təkrar emal və ekologiya

Hazırda fakültənin nəzdində fəaliyyət göstərən 2 kafedrada 6 ixtisas üzrə bakalavr və 7 ixtisas (13 ixtisaslaşma) üzrə magistr təhsil səviyyəsində  kadr hazırlığı həyata keçirilir.

Kafedralarda aşağıdakı istiqamətlərdə elmi-tədqiqat işləri yerinə yetirilir:

• Metallurgiya;
• Materialşünaslıq;
• Təkrar emal sənayesində innovativ texnologiyalar.

Fakültədə özü-özünü maliyyələşdirən 3 Elmi–tədqiqat laboratoriyası fəaliyyət göstərir:

• Yüksəkmöhkəmlikli ərintilərin metalşünaslığı
• Pəstah istehsalının innovativ texnologiyaları
• Tiklik birləşmələr

Fakültənin kafedraları aşağıdakı müəssisələrlə əməkdaşlıq edir:

• “Baku Steel Company” MMC;
• “AzerGold” QSC;
• “Azəralüminium” ASC;
• “Sumqayıt texnologiyalar parkı”MMC;
• Bakı “Elektriktökmə” ASC;
• Azərbaycan Milli Aeorokosmik Agentliyi;
• Müdafiə Sənayesi Nazirliyinin tabeli müəssisələri;
• Azərbaycan Milli Elmlər Akademiyasının Kimya İnstitutu