Metallurgiya və materialşünaslıq fakültəsinin dekanı
t.e.f.d., dosent Poladov Nizami Qədim oğlu
Tel: (+994 12) 538-34-69
E-poçt: [email protected]

Poladov Nizami Qədim oğlu 22 may 1982-ci ildə Gürcüstan Respublikası Bolnisi rayonunun Faxralı kəndində anadan olub.

1999-cu ildə Bakı şəhəri 99 saylı orta məktəbi bitirərək Azərbaycan Texniki Universitetinin (AzTU) Metallurgiya fakültəsinə daxil olub. 2003-cü ildə qara və əlvan metalların tökmə istehsalı ixtisasının bakalavriat, 2005-ci ildə magistratura səviyyəsini fərqlənmə diplomu ilə bitirib.

2003-cü ildə “Baku Steel Company” şirkətinin universitetdə keçirdiyi müsabiqədə fərqlənərək təqaüdə layiq görülüb və həmin zavodda işlə təmin olunub.

2003-2005-ci illərdə “Baku Steel Company” şirkətində poladəridən köməkçisi vəzifəsində çalışıb.

2005-ci ildə “Bakı Poladtökmə” ASC-də növbə rəisi vəzifəsində çalışıb.

2005-2006-cı illərdə hərbi xidmətdə olub.

2006-2009-cu illərdə “Bakı Poladtökmə” ASC-də poladəridən vəzifəsində çalışıb.

2009-2010-cu illərdə “İdeal Dizayn” MMC-də şöbə müdiri, 2010-2014-cü illərdə “EMBAWOOD” MMC-də bölmə müdiri vəzifəsində çalışıb.

2009-cu ildə AzTU-da aspiranturaya daxil olub, 2012-ci ildə “Çuqun metal qəlibin istismar xassələrinin yüksəldilməsini təmin edən metallurji və texnoloji tədbirlərin işlənməsi” mövzusunda namizədlik dissertasiyasını müdafiə edərək texnika üzrə fəlsəfə doktoru elmi dərəcəsini alıb.

2013-cü ildən AzTU-nun Tökmə və qaynaq istehsalı kafedrasında baş müəllim vəzifəsində işləyərək dosent vəzifəsinədək yüksəlib.

2013-2015-ci illərdə “Nanostrukturlu materialların sintezi və tətbiqi problemləri” ETL–da 0,5 ştatda böyük elmi işçi vəzifəsində çalışıb.

2015-2016-cı illərdə SABAH mərkəzinin koordinatoru vəzifəsində çalışıb.

2016-cı ildən AzTU-nun doktorantıdır və “İri kütləli töküklərin alınması üçün qəliblərin möhkəmlik və istismar xarakteristikalarının artırılması” mövzusunda dissertasiyanın üzərində işləyir.

Materiallar texnologiyası kafedrasında dosent vəzifəsində çalışır.

2019-cu ilin dekabrında Metallurgiya və materialşünaslıq fakültəsinin dekanı vəzifəsinə seçilib.

37 elmi məqalənin, 11 bakalavriat və magistratura səviyyələri üçün fənn proqramının, 2 dərs vəsaitinin müəllifidir. Məqalələri Azərbaycan, Sankt-Peterburq, Donetskdə nəşr olunub.

Yeni Azərbaycan Partiyasının (YAP) üzvüdür.

Ailəlidir, 3 oğlu, bir qızı var.