Energetika və avtomatika Enerji effektivliyi və yaşıl enerji texnologiyaları kafedrası

Kafedra müdiri




Enerji effektivliyi və yaşıl enerji
texnologiyaları kafedrasının müdiri
t.e.n., dosent Ramiz Kəlbi oğlu Kəlbiyev  

Tel: (+994 12) 539 14 32
E-poçt: ramiz.kalbiyev@aztu.edu.az

Ramiz Kəlbi oğlu Kəlbiyev  1 oktyabr 1966-cı ildə Biləsuvar rayonunun Əsgərabad kəndində anadan olub. Orta təhsilini 1973-1983-cü illərdə Biləsuvar rayonunda alıb.1983-cü ildə Azərbaycan Memarlıq və İnşaat Universitetinə qəbul olub və 1990-cı ildə həmin universiteti fərqlənmə diplomu ilə bitirib.

Əmək fəaliyyətinə Azərbaycan Memarlıq və İnşaat Universitetində başlayıb. 2007-ci ilə qədər həmin universitetdə dosent vəzifəsində çalışıb. 2007-2011-ci illərdə Energetika Nazirliyində məsləhətçi, 2011-2020-ci illərdə Alternativ və Bərpa Olunan Enerji Mənbələri üzrə Dövlət Agentliyində şöbə müdiri vəzifəsində işləyib. 2020-ci ildə Energetika Nazirliyi yanında Bərpa olunan Enerji Mənbələri Dövlət Agentliyində işləyib.

2021-ci ilin mart ayından Azərbaycan Texniki Universitetinin Enerji effektivliyi və yaşıl enerji texnologiyaları kafedrasına müdir təyin olunub.

Ramiz Kəlbiyev  Yaşıl enerji texnologiyalarına dair Hindistanda bir aylıq kurs keçib. Beynəlxalq və respublika konfranslarında elmi təqdimatlarla çıxış edib, xarici jurnallarda yaşıl enerjiyə dair elmi məqalələri çap olunub.

Energetika sahəsində səmərəli fəaliyyətinə görə Azərbaycan Respublikası Prezidentinin Sərəncamı ilə 19 oktyabr 2017-ci ildə “Tərəqqi” medalı ilə təltif olunub.

Ailəlidi, 4 övladı var.