AzTU Həmkarlar İttifaqı Komitəsinin sədri
   Elvin Əmin oğlu Bəxtiyarlı
   Telefon: (+994 12) 539 12 38
   E-poçt: elvin.bextiyarli@aztu.edu.az

Elvin Əmin oğlu Bəxtiyarlı 1995-ci ildə Qəbələ rayonunun Qaradeyin kəndində anadan olub. 2001-2012-ci illərdə Qaradeyin kənd tam orta məktəbində təhsil alıb.

2012-2016-cı illərdə Azərbaycan Texniki Univeristetinin (AzTU) Texnoloji maşınlar fakültəsinin texnoloji maşın və avadanlıqlar mühəndisliyi ixtisasında bakalavr təhsili alıb.

2017-2019-cu illərdə AzTU-nun Maşınqayırma və robototexnika fakültəsinin maşın mühəndisliyi ixtisasının texnoloji komplekslərin lahiyələndirilməsi ixtisaslaşması üzrə magistratura təhsili alıb.

2015-2021-ci illərdə AzTU Tələbə Həmkarlar İttifaqı Komitəsinin (THİK) sədri vəzifəsini icra edib. 2017-2021-ci illərdə AzTU-nun Maşınqayırma və robototexnika fakültəsinin Mexatronika və maşın dizaynı kafedrasında laborant vəzifəsində çalışıb. 2021-ci ilin sentyabrından  həmin kafedranın müəllimidir. 2021-ci ildə Azərbaycan Təhsil İşçiləri Azad Həmkarlar İttifaqı Respublika Komitəsinin (ATİAHİ RK) 100 illik medalı ilə təltif edilib.

2021-2023-cü illərdə AzTU rektorunun köməkçisi vəzifəsində çalışıb.

Müxtəlif beynəlxalq və yerli konfranslarda elmi məqalələrlə çıxış edib.

 YAP-ın üzvüdür.

2023-cü il yanvarın 11-də AzTU Həmkarlar İttifaqı Komitəsinin sədri seçilib.