Kompüter texnologiyaları kafedrası 2022-ci ildə Kompüter texnologiyaları və kibertəhlükəsizlik kafedrasının bazasında yaradılıb.
Kafedrada 2022-2023-cü tədris ilindən bakalavriat səviyyəsində Türkiyənin Ankara Universiteti ilə kompüter mühəndisliyi ixtisası üzrə ikili diplom proqramının icrasını həyata keçirir. Bu proqram çərçivəsində qəbul olunan tələbələr I və II kurslar AzTU-da, III və IV kurslar isə Ankara Universitetində oxuyacaq. Təhsilini müvəffəqiyyətlə başa vuran tələbələrə həm AzTU-nun, həm də Ankara Universitetinin diplomu veriləcək.
Bununla yanaşı, kafedrada Xarkov Milli Texniki Universiteti ilə magistratura səviyyəsində kompüter sistemləri və şəbəkələri və sistem proqramlaşdırması ixtisasları üzrə ikili diplom proqramı ilə bağlı razılaşma əldə edilib.
Kafedrada mütəxəssis hazırlığı həyata keçirilən ixtisaslarda Azərbaycandan olan tələbələrlə yanaşı, bir sıra xarici ölkələrin (Türkiyə, İran, Rusiya, Gürcüstan, Suriya, İraq, Əfqanıstan və s.) tələbələri də təhsil alırlar.
Kafedranın professor-müəllim heyəti və doktorantları tərəfindən kompüter sistemlərində və şəbəkələrində informasiyanın təhlükəsizliyi, kriptoqrafik və steqanoqrafik qorunması, təhlükəsizlik vəziyyətinin monitorinqi və qiymətləndirilməsi, intellektual informasiya axtarışı üsulları, paylanmış strukturlu intellektual informasiya-axtarış sisteminin yaradılması, plagiatın aşkarlanması, verilənlərin intellektual emalı və təhlili, korporativ informasiya infrastrukturları üçün hesablama buludlarının yaradılması və təhlükəsizliyinin təmin edilməsi, sosial şəbəkələrin tədqiqi, ağıllı texnologiyalar (ağıllı şəhər, ağıllı kənd, ağıllı ev) və s. istiqamətlərdə elmi tədqiqatlar aparılır.
Kafedra əməkdaşlarının elmi əsərləri nüfuzlu elmi jurnallarda, eləcə də Web of Science, Scopus, Ulakbim və digər indeksli bazalara daxil olan jurnallarda çap olunur.
3 ildə kafedranın əməkdaşları tərəfindən cəmi 132 elmi əsər dərc etdirilmişdir, onlardan 59-u elmi məqalə, 73-i konfrans məruzələridir. Xaricdə 95 elmi əsər (49 məqalə, 46 tezis) dərc olunmuşdur ki, onlardan 17 elmi əsər (8 elmi məqalə, 9 tezis) WoS və Scopus bazalarına daxil olan mənbələrdə çap olunub.
Kafedrada təhsil ixtisaslardan asılı olaraq Azərbaycan, rus və ingilis dillərində aparılır.
Kafedra müdiri t.e.d., prof. Vaqif Qasımov aşağıdakı jurnalların redaksiya heyətinin üzvüdür:
- “AzTU-nun elmi əsərləri” jurnalı;
- Belarus Dövlət İnformatika və Radielektronika Universitetinin “Rəqəmsal transformasiya” jurnalı;
- Şimali Qafqaz Federal Universitetinin “Elm. İnnovasiyalar. Texnologiyalar” jurnalı;
- “Journal of Modern Technology and Engineering” (Jomard Publishing) jurnalı.
-Müdafiə Sənayesi Nazirliyi Milli Aerokosmik Agentliyi;
-Müdafiə Sənayesi Nazirliyi Cihaz İstehsalat Birliyi;
-İdarəetmə Sistemləri İnstitutu;
-Azərbaycan Beynəlxalq Bankı;
-Kapitalbank;
-Sinam MMC;
-Ecotec MMC;
-Telecom İnvest MMC;
-Defscope MMC.
