Xarici dillər kafedrasının müdiri,
 filologiya elmləri doktoru, professor
 Səbinə Alməmmədova
 Tel: (+994 12) 539 19 43
              (+994 50) 346 43 12
 E-poçt: sabina.almemmedova@aztu.edu.az

Səbinə Məmməd qızı Alməmmədova 18 mart 1972-ci ildə Bakı şəhərində anadan olub.

1979-1989 – illərdə Bakı şəhəri 238 saylı orta məktəbi bitirib.

1989-1994 Azərbaycan Dillər Universitetinin İngilis dili fakültəsinə daxil olub.

1994-2004-cü illərdə AMEA RH Analıtik informasiya şöbəsində aparıcı mütəxəssis, həmçinin “Azərbaycan və Azərbaycanlılar” jurnalının məsul katibi və tərcüməcisi vəzifəsində calışıb.

2003-cü ildən AMEA A.A.Bakıxanov adına Tarix İnstitutunda Azərbaycanın sovet dövrü tarixi şöbəsində aparıcı elmi işçi vəzifəsində çalışır.

2008-ci ildən etibarən Azərbaycan Texniki Universitetinin (AzTU) Xarici dillər kafedrasında ingilis dilini tədris edir.

2008-ci ildə AMEA-nın İ.Nəsimi adına Dilçilik institutunda “Bəxtiyar Vahabzadə poeziyasının dili” mövzusunda namizədlik dissertasiyasını müdafiə edib.

2010-cu ildə dosent, 2023-cü ildə professor elmi adı alıb.

2018-ci ildə AMEA-nın İ.Nəsimi adına Dilçilik institutunda “Müasir Azərbaycan ədəbi dilində alınma terminlərin unifikasiya və standartlaşdırma formaları” mövzusunda filologiya elmləri doktorluq müdafiyəsini edib.

AMEA-nın A.A.Bakıxanov adına Tarix institunun 25 kitabını İngilis dilinə tərcümə edib və həmin kitablar Nyu Yorkda, Londonda, Bişkekdə və s. yerlərdə nəşr olunub.

S.Alməmmədova 1 dərslik, 2 lüğət, 7 monoqrafiya 1 metodik vəsait, 90 elmi məqalənin (ABŞ, Avstraliya, Hindistan, Canada, Türkiyə, Gürcüstan, Moskva, Ukraina və s.) müəllifidir.

17.08.2020-ci il tarixindən Azərbaycan Texniki Universitetinin (AzTU) Xarici dillər kafedrasının müdiri vəzifəsində çalışır.