Əmr № 256-müx. 27.12.1990-ci il. “Nəqliyyat maşınqayırma texnologiyası” kafedrası yaranıb.
Əmr №51-müx. 25.03.1993-cü il.“Nəqliyyat maşınqayırma texnologiyası” kafedrası “Maşınların təmiri və etibarlığı ” kafedrası adlandırılıb. (pr. № 08).
2003-cü ildə Maşınqayırma texnologiyası kafedrasına birləşdirilib. 10 iyul 2014-cü il tarixdə Əmr №71-müx. Maşınların etibarlığı və təmir texnologiyası kafedrası, 13 iyul 2016-cı il tarixli № 99-müx Əmrinə əsasən Maşınqayırma fakültəsinin tərkibindən Xüsusi texnika və texnologiya fakültəsinin tərkibinə keçirilib və kafedranın adı dəyişdirilərək Xüsusi texnologiyalar və avadanlıqlar kafedrası yaradılıb.
Maşınların etibarlığı və təmir texnologiyası 2016-cı ilin iyun ayından Xüsusi texnologiyalar və avadanlıqlar kafedrası adlandırılır.
Azərbaycan höküməti tərəfindən Hərbi Sənaye Nazirliyininin müəssisələri üçün silah və silah sistemlərinin istehsalı texnologiyası ixtisası üzrə ali təhsilli mütəxəssislərin AzTU-nun bazasında hazırlanması qərarı qəbul edildi. Bununla əlaqədar olaraq, AzTU-nun nəzdində Xüsusi texnika və texnologiya fakültəsi yaradıldı. Həmin fakültənin ixtisasına kafedranın böyük ehtiyacı olduğuna görə “Maşınların təmir texnologiyası və etibarlığı” kafedrasının adı dəyişdirildi və maddi-texniki bazası gücləndirildi və eyni zamanda kafedrada tədris edilən ixtisaslar üzrə əlavə müəllim-professor heyyəti cəlb edildi.
Kafedraya professor, t.e.d. Ə.G.Hüseynov rəhbərlik edir və 3 t.e.d., professor – Ə.G. Hüseynov, V.A. Abbasov, F.Q. Əmirov, 4 t.f.d.dosent. E.D. Rzayev, V.F. Civişov, Ş.N. Əsədov, Ç.M. Məmmədov. 2 baş müəllim R.Ə. Veysov, E.R. Astanova,2 assistent A.F. Kərimov, Ü.S.Camalov fəaliyyət göstərirlər. Kafedrada, 1 laboratoriya müdiri - K.B.Əliyeva, 2 böyük laborant -İ. A. Adgözəlova, G.A. Şirinzadə. 3 tədris ustası - Əhmədova. E.A. Bağıyev, G.A Mütəllimov çalışırlar.
Kafedranın nəzdində “Diffuziya metallaşdırma”, “Tribotexnika” və “Alətlər və avadanlıqlar” elmi-tədris laboratoriyaları fəaliyyət göstərir.
Kafedrada “Maşınların və atıcı silahların etibarlılığının texnoloji təminatı” və “Diffuziya metallaşdırması ilə maşın hissələrinin bərpası” mövzuları üzrə elmi-tədqiqat işləri aparılır.
Bu elmi istiqamətlər üzrə magistr, fəlsəfə üzrə elmlər doktoru və texniki elmlər doktoru dissertasiyaları müdafiə olunur.
Kafedrada tədris proqramlarına uyğun olaraq müəllim-professor heyyəti tərəfindən dərsliklər, dərs vəsaitləri, proqramlar işlənmişdir.
Professor Ə.G.Hüseynov tərəfindən “Maşınların təmir texnologiyası” dərsliyi, “Səth mühəndisliyi”, “Технология обработки упрачненных и восстановленных поверх-ностей в машиностроении” monoqrafiyası, professor Ə.H. Sadıxov tərəfindən “Tribotexnika” dərsliyi, professor V.A.Abbasov tərəfindən “Dəzgah və dəzgah komplekslərinin hesabatı və layihələndirilməsi” dərs vəsaiti, “Rəqəmli proqramla idarə olunan dəzgahlar” dərs vəsaiti, “Повышение эффективности профильного шлифо-вания” monoqrafiyası, professor R.C.Bəşirov tərəfindən “Технология ремонта судо-вых механизмов” dərsliyi çap edilmişdir.
Xüsusi texnologiyalar və avadanlıqlar kafedrasında bakalavrlar və magistrlər hazırlanır.
Kafedranın məqsədi
-Tədrisin keyfiyyətini yüksəltmək və ona zəmanəti təmin etmək məqsədilə innovativ və mütərəqqi təhsil metodlarını tətbiq etmək;
- Elm, tədris və istehsalatın inteqrasiyasını təmin etmək məqsədilə Elmi Tədqiqat İnstitutları, müvafiq dövlət şirkətləri və özəl şirkətlər ilə əməkdaşlıq etmək;
- Sahə üzrə Respublikanın aparıcı alim və mütəxəssislərini tədris prosesinə cəlb etmək;
- Mütəxəssis hazırlığı aparılan ixtisaslar üzrə tədris-metodik vəsaitlərin, elektron resursların mövcudluğunu təmin etmək;
- Kafedranın professor-müəllim heyətinin Respublika və beynəlxalq elmi tədbirlərdə (konfrans, simpozium və s.) iştirakını təmin etmək;
- Təhsilalanlar arasında vətənpərvərlik ruhunu yüksəltmək məqsədilə müvafiq tədbirləri həyata keçirmək;
- İxtisas üzrə mütəxəssis hazırlığının tədris planına daxil edilmiş və Kafedrada tədris olunan bütün fənlər üzrə beynəlxalq standartlar nəzərə alınmaqla fənn proqramlarının və buna müvafiq işçi proqramların (sillabusların) hazırlanmasını təmin etmək;
- Respublikanın və xarici ölkələrin ali təhsil müəssisələrinin ayrı-ayrı kafedralarının, professor-müəllim heyətinin qabaqcıl iş təcrübəsini öyrənmək və Kafedranın fəaliyyətini daimi təkmilləşdirmək;
- Kafedranının fəaliyyətində gənc əməkdaşların iştirakını təmin etmək məqsədilə elmi-pedaqoji və elmi kadrları hazırlamaq, gənc müəllimlərə pedaqoji təcrübə toplamaqda köməklik göstərmək;
-Maşınqayırma və xüsusii texnologiyalar və avadanlıqlar istehsalı sahəsində yeni texnologiyaların yaradılması və bu sahədə çalışan mütəxəssislərin ixtisaslarının artırılmasında köməklik göstərməkdir;
-Tələbələrin biliyinin qiymətləndirilməsini daha effektiv üsullarının işlənilməsi ilə həyata keçirmək;
- Maddi-texniki və tədris bazasının möhkəmləndirilməsi və genişləndirilməsi istiqamətində işlər görmək;
- Əmək bazarının tələblərinə və sənayenin inkişaf tempinə uyğun olaraq ixtisasın təhsil proqramında zəruri hallarda dəyişiklik, əlavə və düzəlişlər edilməsi ilə bağlı təkliflər vermək;
- Kadr hazırlığına aid Kafedra üzrə qəbul planı hazırlanarkən əmək bazarındakı vəziyyətin, müəssisə və təşkilatların bu ixtisas üzrə ali təhsilli kadrlara olan ehtiyaclarını öyrənmək;
- Mütəxəssis hazırlığının keyfiyyətini yüksəltmək məqsədilə müvafiq müəssisələr ilə əməkdaşlıq müqavilələrinin imzalanmasına və kafedranın məzunlarının bu müəssisələrdə işlə təmin olunmasına dəstək göstərmək;
- Peşəyə istiqamətlənmə, peşə seçmə işinin təşkili və Kafedranın ixtisaslarına abituriyentlərin cəlb edilməsi üzrə fəaliyyət planı hazırlamaq;
- Kafedranın ixtisasları üzrə yekun Dövlət Attestasiya (imtahan) Komissiyalarının və İxtisaslaşdırılmış Şuraların işini təşkil etmək;
- Tələbələrin təcrübə keçmələri üçün ixtisasa müvafiq müəssisələrin təyin olunmasını, təcrübə proqramlarının müəssisələr ilə razılaşdırılmasına və təcrübənin keçirilməsinin təşkilinə dəstək göstərmək;
- İxtisasın profili üzrə energetika müəssisələrinin, təşkilatların, Elmi-Tədqiqat İnstitutlarının təklifləri nəzərə alınmaqla buraxılış işlərinin və magistr dissertasiya işlərinin mövzularının müəyyənləşdirmək, tələbələrə mövzu seçimində sərbəstlik vermək.
