Maşın dizaynı və sənaye texnologiyaları kafedrası 2023-cü ildə Mexatronika və maşın dizaynı kafedrasının adının dəyişdirilməsi ilə yaradılıb.

Kafedra əməkdaşlarının elmi-tədqiqat işlərinin nəticələri Rusiya, ABŞ, Yaponiya, Polşa, Almaniya, İngiltərə, İtaliya, Finlandiya, Türkiyə, Çin Xalq Respublikası, Səudiyyə Ərəbistanı və s. kimi xarici ölkələrin nüfuzlu jurnallarında nəşr olunub. Kafedrada “Sənaye mühəndisliyi”, “Qida mühəndisliyi”, “Texnoloji maşınlar və avadanlıqlar mühəndisliyi” və “Poliqrafiya mühəndisliyi” ixtisaslarında kadr hazırlığı aparılır. 

Kafedranın əsas faəliyyət istiqamətləri aşağıdakılardır:

Müvaviq ixtisas və ixtisaslaşmalar üzrə bakalavriat, magistratura və doktorantura səviyyələrində kadrların hazırlanması istiqamətində tədris prosesini təşkili;

Aktual elmi araşdırmaların aparılması və müasir tələblərə cavab verən yüksək ixtisaslı kadrların hazırlanması istiqamətində fəaliyyət göstərilməsi;

Kafedranın profilinə uyğun olan ixtisasartırma, yenidən ixtisaslaşma və digər əlavə təhsil proqramlarını həyata keçirilməsi;

Tədris-metodiki ədəbiyyatların (proqramlar, dərslik, dərs vəsaiti və metodik vəsaitlər), o cümlədən, elektron tədris vəsaitlərinin hazırlanması;

Tədris prosesində multimedia vasitələrinin tətbiqi; Kafedrada yerinə yetirilən elmi-tədqiqat işlərinin nəticələrinin tədris prosesində istifadəsi;

Bakalavriat səviyyəsində istehsalat, magistratura səviyyəsində isə elmi-tədqiqat və elmi-pedaqoji təcrübələrin təşkili;

Tələbələrin elmi-tədqiqat, innovasiya və startap fəaliyyətinə dəstək verilməsi;

Öz fəaliyyətində effektiv idarəetməni və təhsildə yeni texnologiyaların və metodların tətbiqi.