Mühəndis fizikası və elektronika kafedrasının müdiri professor Mətanət Mehrabova “Yarımmaqnit yarımkeçiricilər və onlar əsasında strukturların cihazqayırmada tətbiq imkanları” mövzusunda seminar keçirib.  Seminarda kafedrada aparılan elmi-tədqiqat işlərinin vəziyyəti, alınan elmi nəticələr və gələcək planlar müzakirə edilib.

Mətanət Mehrabova kafedranın elmi-tədqiqat istiqamətlərinə daxil olan yarımkeçirici CdMnTe(Se) nazik təbəqələri və onlar əsasında heterokeçidlərin müxtəlif təyinatlı cihazlarda istifadəsi perspektivləri haqqında danışıb, bu sahədə apardığı elmi-tədqiqat işlərini təqdim edib.

Geniş təqdimatdan sonra auditoriyanı maraqlandıran suallar cavablandırılıb.