Xüsusi təyinatlı material və vasitələr kafedrası Azərbaycan Texniki Universitetinin (AzTU) Elmi şurasının 27 noyabr 2021-ci il tarixli iclasının qərarı əsasında Xüsusi texnika və texnologiya fakültəsinin tərkibində hərbi təyinatlı yüksək ixtisaslı mühəndis kadrlarının hazırlanması mədsədilə yaradılıb. Kafedrada hərbi kompozisiya materialları mühəndisliyi və pirotexniki və partladıcı vasitələr mühəndisliyi ixtisasları üzrə bakalavr, magistr, doktorantların hazırlığı həyata keçirilir.

Kafedrada dərs növlərinə mühazirə, seminar, nəzəri və praktiki laboratoriya məşğələləri, sərbəst işlər, elmi tədqiqat işləri və s. daxildir. Dərslər həm Universitetdə, həm də bağlanmış əməkdaşlıq memorandumuna əsasən Müdafiə Sənayesi Nazirliyinin müxtəlif müəssisələrinin tədris laboratoriyaları və ixtisaslaşdırılmış mühazirə otaqlarında keçirilir.

Kafedrada mütəxəssis hazırlığı universitet-sənaye işbiriliyi prinsipi əsasında həyata keçirilir.

Əməkdaşlıqlar:

Müdafiə Sənayesi Nazirliyinin Elmi Tədqiqat İnstitutu
Müdafiə Sənayesi Nazirliyinin “Cihaz” İstehsalat Birliyi
Müdafiə Sənayesi Nazirliyinin “Peyk zavodu” MMC
Müdafiə Sənayesi Nazirliyinin “İqlim” İstehsalat Birliyi