Xüsusi təyinatlı material və vasitələr kafedrasının müdiri, dosent Mərziyyə Firudin qızı Ağayeva E-poçt: marziya.aghayeva@aztu.edu.az 1998-ci illərdə Naxçıvan Dövlət Universitetinin Təbiətşünaslıq fakültəsinin kimya ixtisası üzrə bitirib. 2000-ci ildə Naxçıvan Dövlət Universitetinin qeyri-üzvi kimya ixtisası üzrə magistratura səviyyəsini fərqlənmə ilə bitirib. 2012-ci ildə kimya üzrə fəlsəfə doktoru elmi dərəcəsinə layiq görülüb. Əmək fəaliyyətinə 1999-cu ildə Avropa Şurasının Tempus proqramı çərçivəsində “Naxçıvan Dövlət Universitetində Beynəlxalq əlaqələr şöbəsinin yenidən qurulması” adlı layihənin icrasında tərcüməçi olaraq başlayıb. 2000-2005-ci illərdə Naxçıvan Dövlət Universitetində Beynəlxalq əlaqələr şöbəsinin rəisi vəzifəsində çalışıb. 2005-2012-ci illərdə Beynəlxalq əlaqələr şöbəsinin baş inspektoru vəzifəsində çalışıb. 2012-2014-ci illərdə Təhsil Nazirliyinin Beynəlxalq əlaqələr şöbəsində baş məsləhətçisi, 2015-2018-ci illərdə nazirliyin Akkreditasiya və Nostrifikasiya İdarəsində Akkreditasiya şöbəsinin böyük mütəxəssisi vəzifəsində çalışıb. 2018-2020-ci illərdə Azərbaycan Texniki Universitetində (AzTU) Beynəlxalq əlaqələr departamentinin direktoru, 2020-2022-ci illərdə Tədqiqat və inkişaf şöbəsinin müdiri, 2022-ci ildə AzTU-nun nəzdində Yüksək Təhsil İnstitutunun Doktorantura şöbəsinin müdir müavini, 2023-ci ildə Doktorantura şöbəsinin müdiri vəzifələrində çalışıb. 2023-cü il 19 sentyabr tarixindən AzTU-nun Xüsusi təyinatlı material və vasitələr kafedrasının müdiri və həmin kafedranın dosentidir. 27 elmi əsərin, bir neçə fənn proqramının müəllifidir. Müxtəlif beynəlxalq və respublika elmi konfranslarında məruzələrlə çıxış edib. Elmi və metodiki işlərin siyahısı Türk, ingilis, rus və fransız dillərini bilir. Yeni Azərbaycan Partiyasının (YAP) üzvüdür. Ailəlidir, 3 övladı var. |