Mexatronika və robototexnika mühəndisliyi (tədris planı) (təhsil proqramı)

Mexatronika və robototexnika mühəndisliyi ixtisası sənayenin müxtəlif sahələrində proseslərin avtomatlaşdırılması, idarə olunması və optimallaşdırılmasını əhatə edən mühəndislik sahəsidir. Bu ixtisas üzrə təhsil alan tələbələr maşınqayırma, avtomobil sənayesi, aviasiya, müdafiə sənayesi, kənd təsərrüfatı, tibb və digər strateji sektorlar üçün innovativ həllərin hazırlanması və tətbiqini öyrənirlər. Onlar mexaniki, pnevmatik və hidravlik sistemlərin avtomatlaşdırılmış layihələndirilməsi, mexaniki sistemlərin dinamikası və simuliyasiyası, robotların proqramlaşdırılması, süni intellekt və maşın öyrənməsi metodlarının tətbiqi, həmçinin Arduino, Raspberry Pi və digər mikrokontrollerlər vasitəsilə avtomatik idarəetmə sistemlərinin qurulması sahəsində bilik və bacarıqlara yiyələnirlər. Bundan əlavə, tələbələr qabaqcıl robot istehsalçılarının proqram təminatları ilə işləməyi, həmçinin sənaye 4.0 standartlarına uyğun rəqəmsal istehsal proseslərinin tətbiqini öyrənirlər.

Mexatronika və robototexnika mühəndisinin əsas vəzifə öhdəlikləri robotların, manipulyatorların və mexatron sistemlərin tətbiqi hesabına proseslərin və sistemlərin  məhsuldarlığını, etibarlılığını, dəqiqliyini, təhlükəsizliyini və s. artırmaqdan ibarətdir.

 Müasir əmək bazarının tələblərinə uyğun mühəndislik həllərini həyata keçirmək üçün tələbələrə rəqəmsal bacarıqlar və proqramlaşdırma, süni intellekt və maşın öyrənməsi, maşın və mexanizmlər nəzəriyyəsi, 3D modelləşdirmə, İoT (Əşyaların İnterneti), müxtəlif sensorlar, vericilər və aktuatorlarla işləmək, robototexniki sistemlərdə tətbiq edilən mexaniki, hidravlik və pnevmatik sistemlər, elcə də dayanıqlı inkişafın hədəflərinə xidmət edən sənaye, innovasiya və infrastruktur, yaşıl texnologiyalar kimi istiqamətləri əhatə edən fənlər tədris olunur.

Tələb olunan praktiki bacarıqlara yiyələnmək üçün AzTU-da real sənaye avadanlıqlarının, cihazların və onların işçi modellərinin yer aldığı tədris laboratoriyaları mövcuddur.

Təhsil müddətini başa vurduqda məzunlar aşağıdakı əsas peşə kompetensiyalarına yiyələnirlər:

- mexatron sistemlərin kinematikası və dinamikası, idarəetmə sistemləri, informasiya ölçmə qurğuları, proqramlaşdırma dilləri haqqında tələb olunan baza biliklərinə;

- avtomatik və mexatron sistemlərin layihələndirilməsində, tətbiqində və istismarında praktiki biliklərinə;

- robot-manipulyatorların, robototexniki və mexatron sistemlərin texnoloji, struktur, funksional və prinsipial sxemlərini qurmaq, təhlil etmək, istismar etmək, təmirini və sazlanmasını aparmaq bacarıqlarına;

- müəssisələrdə robototexniki və mexatron sistemlər, eləcə də monipulyatorların funksional imkanlarını, təhlükəsiz istismar qaydalarını bilməklə texnoloji əməliyyatların avtomatlaşdırılmış idarəetmə sistemini qurmaq bacarıqlarına;

- mikrokontrollerlər vasitəsilə avtomatik idarəetmə sistemlərinin qurulması sahəsində bilik və bacarıqlarına;

- müasir proqram təminatlarından istifadə etməklə 2D və 3D modelləşdirmə, cizgilərin alınması, eləcə də simulyasiyanı icra etmək qabiliyyətinə;

Mexatronika və robototexnika mühəndisliyi  ixtisası üzrə təhsil almış məzunlar işlə təmin olunurlar:

-  Sumqayıt Texnologiyalar Parkı (STP), İdrak Texnoloji Transfer MMC, Hidroservis Engineering MMC və s. kimi müəssissələrdə;

-   KHAZAR avtomobil zavodu, “Azərmaş CP” MMC, Gəncə Avtomobil Zavodu və s. kimi müəssisələrdə;

-  “Azərbaycan Xəzər Dəniz Gəmiçiliyi” QSC, “AzerGold” QSC və s. kimi müəssisələrdə  ;

-  Müdafiə Sənayesi Nazirliyi, Müdafiə Nazirliyi, Fövqəladə Hallar Nazirliyi və s. kimi qurulmarda;

-  Rəsmi dövlət qurumlarında;

-  Mərkəzi və yerli icra hakimiyyəti orqanlarında;

-  Özəl şirkətlərdə;

-  Güc nazirliklərində ixtisası üzrə;

-  Təhsil müəssisələrində və s. 

Sənaye mühəndisliyi (tədris planı) (təhsil proqramı)

“Sənaye mühəndisliyi” maksimum səmərəliliyə və keyfiyyətə nail olmaq üçün müxtəlif təyinatlı sənaye müəssisələrinin planlaşdırılmasını və idarəolunmasını təmin edən mühəndislik sahəsidir. Sənaye mühəndisi ixtisası üzrə təhsil alan tələbələr sənaye sahələrinin təyinatı üzrə tərkibi və konstruktiv quruluşu, texnoloji təminatı və  istehsalın planlaşdırılması sahələrini əhatə edən bilikləri öyrənir.  Bu ixtisasa yiyələnmiş mühəndislər layihələndirmə, texnologiya, maliyyə, idarəetmə və proseslər sahəsində geniş bacarıqları əldə edirlər. Müasir əmək bazarının tələblərinə uyğun mühəndislik həllərini həyata keçirmək üçün tələbələrə rəqəmsal bacarıqlar və proqramlaşdırma, süni intellekt və maşın öyrənməsi, 3D modelləşdirmə və additiv istehsal, İoT (Əşyaların İnterneti) və sənaye 4.0, dayanıqlı inkişaf və yaşıl texnologiyalar kimi istiqamətləri əhatə edən fənlər tədris olunur.

Praktiki bacarıqlara yiyələnmək üçün AzTU-da real sənaye avadanlıqlarının və onların işçi modellərinin yer aldığı tədris laboratoriyaları mövcuddur.

Təhsil müddətini başa vurduqda məzunlar aşağıdakı əsas peşə kompetensiyalarına yiyələnirlər:

- müxtəlif sahələr üzrə fəaliyyət göstərən sənaye müəsissələrində istehsalın təşkili və idarəolunması haqqında biliklərə;

- sənaye müəssisələrinin layihələndirilməsinin iqtisadi əsaslandırılması ilə bağlı nəzəri biliklərə;

- sənaye avadanlıqlarının quraşdırılması, istismarı və təmiri ilə bağlı zəruri biliklərə;

- müasir proqram təminatlarından istifadə etməklə sənayenin obyektlərinin elementlərinin simulyasiyasını aparmaq qabiliyyətinə;

- müxtəlif sənaye məhsullarının istehsalı üçün texnoloji proseslərin layihələndirilməsi metodologiyasının nəzəri və pratiki əsasları haqqında təməl biliklərə;

- sənaye müəsissəsinin fəaliyyətində ətraf mühitin və əmək təhlükəsizliyinin qorunması ilə bağlı standart tələblər haqqında nəzəri və praktiki biliklərə.

Sənaye mühəndisi ixtisas dərəcəsinə malik olan mütəxəssislər neft-qaz sektoru, tikinti-quraşdırma, inşaat, maşınqayırma, nəqliyyat və s. kimi sənaye sahələrində çalışmaq imkanına malik olurlar. Məzunlar işlə təmin olunurlar:

-  Azərbaycan Dövlət Neft Şirkəti, Bakı Beynəlxalq Ticarət Limanı QSC və digər bu kimi müəssisələrdə; 

-   Bakı Gəmiqayırma Zavodu, Sumqayıt Texnologiyalar Parkı (STP), HOLCIM, NORM, “AZGRANATA” MMC və s. kimi müxtəlif təyinatlı dövlət və özəl sənaye müəssisələrində;

-  Rəsmi dövlət qurumlarında;

-  Mərkəzi və yerli icra hakimiyyəti orqanlarında;

-  Özəl şirkətlərdə;

-  Güc Nazirliklərində ixtisası üzrə;

-  Təhsil müəssisələrində və s. 

Qida mühəndisliyi (tədris planı) (təhsil proqramı)

“Qida mühəndisliyi” ixtisası üzrə təhsil qida istehsalı, emalı, saxlanılması və təhlükəsizliyi sahələrini əhatə edir. Bu ixtisas üzrə təhsil alan tələbələr müasir qida texnologiyalarına dair nəzəri və praktiki istiqamətləri, qida məhsullarının istehsalında istifadə olunan müasir texnoloji avadanlıqları, qida qatqılarını, təhlükəsiz məhsul istehsalını, biokimyanın əsaslarını, qida istehsalı sahəsində mövcud olan beynəlxalq qanunvericiliyi, qida məhsullarına və müəssələrinə qoyulan yerli və beynəlxalq standartları, qida istehsalında mövcud risklər və təhlükələrin qarşısının alınmasını, eləcədə onların minimuma endirilməsi və idarə olunmasını öyrənir. Müasir qida sənayesində aparıcı rol oynayan qida mühəndisləri məhsulların keyfiyyətini artırmaq, istehsal proseslərini optimallaşdırmaq və müştəri tələblərinə uyğun, sağlam və təhlükəsiz məhsullar yaratmaq kimi öhədlikləri daşıyır. İxtisas üzrə təhsil alan tələbələr qida məhsullarının biokimyası, təhlükəsizliyi, soyudulma texnologiyası, qida mikrobiologiyası, qida sənayesində texnoloji əməliyyatlar, qida məhsullarının keyfiyyətinə texniki-kimyəvi nəzarət, eləcə də keyfiyyəti idarəetmə sistemləri və s. istiqamətlər üzrə nəzəri və praktiki biliklər əldə edirlər.

Müasir əmək bazarının tələblərinə uyğun qida sektorunda mühəndislik həllərini həyata keçirmək üçün tələbələrə rəqəmsal bacarıqlar və proqramlaşdırma, süni intellekt və maşın öyrənməsi, 3D modelləşdirmə və additiv istehsal, İoT (Əşyaların İnterneti) və sənaye 4.0, dayanıqlı inkişaf və yaşıl texnologiyalar kimi istiqamətləri əhatə edən fənlər tədris olunur.

Tələb olunan praktiki bacarıqlara yiyələnmək üçün AzTU-da real sənaye avadanlıqlarının və onların işçi modellərinin yer aldığı tədris laboratoriyaları mövcuddur.

Təhsil müddətini başa vurduqda məzunlar aşağıdakı əsas peşə kompetensiyalarına yiyələnirlər:

- qida sənayesində istifadə olunan maşınlar və avadanlıqların konstruksiyası, istismarı və layihələndirilməsi ilə bağlı biliklərə;

- qida məhsullarının istehsalı ilə bağlı biloji, kimyəvi və texnoloji proseslərin aparılması üçün nəzəri və praktiki biliklərə;

- qida məhsullarının istehsalının texnoloji proseslərinin layihələndirilməsi, təşkil və optimallaşdırılmasıb bacarıqlarına;

- qida sənayesi ilə bağlı DÜST, ГОСТ, ISO və digər standartların, eləcə də istehsal sanitariyası və gigiyenasının tələblərinə uyğun məhsul istehsalı üçün biliklərə;

- mövcud resepturaları yoxlamaq, yeni resepturaları və texnoloji xəritələri hazırlamaq bacarığına;

- qida istehsalının aparılması üçün ilkin xammalın və son məhsulun keyfiyyətinin yoxlanılması üçün tələb olunan praktiki və nəzəri biliklərə.

Dünyada və ölkəmizdə qida təhlükəsizliyinin təmin olunmasının daim aktual xarakter daşıması və onun inkişafındakı zəruri tələblər məzunlara asanlıqla karyera qurmaq imkanı yaradır. Qida mühəndisliyi ixtisası üzrə təhsil almış məzunlar işlə təmin olunurlar:

-  Azəsun Holdinq, Milla, Ulduz Şokolad Fabriki, SAVALAN Şərab Zavodu, Qafqaz Konserv Zavodu, “AZGRANATA” MMC və s. kimi müəssissələrdə;

-  Rəsmi dövlət qurumlarında;

-  Mərkəzi və yerli icra hakimiyyəti orqanlarında;

-  Özəl şirkətlərdə;

-  Azərbaycan Qida Təhlükəsizliyi İnstitutu, Azərbaycan Respublikasının Qida Təhlükəsizliyi Agentliyi, Kənd Təsərrüfatı Nazirliyi;

-  Güc nazirliklərində ixtisası üzrə.

Maşın mühəndisliyi (tədris planı) (təhsil proqramı)

Maşın mühəndisi müxtəlif təyinatlı məmulların istehsal texnologiyası, sənaye müəssisələrinin, maşın və avadanlıqların layihələndirilməsi, həmçinin maşın istehsalının təşkili və keyfiyyətinin təminatı kimi vəzifələri həyata keçirir. Bu ixtisas üzrə təhsil alan tələbələr istehsal prosesində məhsuldarlıq, keyfiyyət və minimum maya dəyəri tələbləri çərçivəsində daha az əmək, material və enerji resursları sərf etməklə mexaniki emal və yığma texnoloji proseslərinin təkmilləşdirilməsi və yeni daha mütərəqqi texnoloji proseslərin layihələndirilməsi məsələlərini əhatə edən biliklərə yiyələnirlər. Təhsil dövründə baza mühəndislik fənləri əsasında tələbələr avadanlıqların modelləşdirməsi, maşın və mexanizmlərin müasir elmi yanaşmalarla konstruksiya edilməsi, onların dayanıqlı istismarının mühəndis həlləri və bu sahədə zəruri olan normativ-texniki sənədlərin hazırlığı üzrə müstəqil işləmə bacarığını əldə edirlər. Bundan əlavə müasir əmək bazarının tələblərinə uyğun mühəndislik həllərini həyata keçirmək üçün tələbələrə rəqəmsal bacarıqlar və proqramlaşdırma, süni intellekt və maşın öyrənməsi, 3D modelləşdirmə və additiv istehsal, İoT (Əşyaların İnterneti) və sənaye 4.0, dayanıqlı inkişaf və yaşıl texnologiyalar kimi istiqamətləri əhatə edən fənlər tədris olunur.

Tələbələr mühəndis-mexanik peşəsinə uyğun praktiki həlləri də öyrənirlər. Bunun üçün AzTU-da real sənaye avadanlıqlarının da yer aldığı tədris laboratoriyaları mövcuddur.

Təhsil müddətini başa vurduqda məzunlar aşağıdakı əsas peşə kompetensiyalarına yiyələnirlər:

- fəaliyyət sahəsində lazım olan resursların növündən səmərəli istifadə üsullarını tətbiq etmək, məhsul istehsalı üçün əsas texnoloji prosesləri həyata keçirmək üsulları haqqında biliklərə;

- texnoloji proseslərin optimallaşdırılmasının üsul və qaydalarına;

- müasir proqram təminatlarından istifadə etməklə 2D və 3D modelləşdirmə, cizgilərin alınması, eləcə də simulyasiyanı icra etməyə;

- texnoloji proseslərin həyata keçirilməsi zamanı material tullantılarının azaldılmasını təmin edən texnoloji üsullara;

- müasir inteqrasiya olunmuş istehsalın yaradılması üçün avtomatlaşdırılmış layihələndirmə və idarəetmə sistemlərində işləmək bacarıqlarına;

- sənaye müəssisələrinin planlaşdırılması və idarə olunması bacarıqlarına.

Maşın mühəndisi ixtisası üzrə məzunlar işlə təmin olunurlar:

-  SOCAR, Sumqayıt Texnologiyalar Parkı (STP), İmprotex industries, Baku Steel Company və s. kimi dövlət və özəl sənaye müəssisələrində, o cümlədən Müdafiə Sənayesi Nazirliyinin tabeliyində olan sənaye müəssisələrində;

-  Rəsmi dövlət qurumlarında;

-  Mərkəzi və yerli icra hakimiyyəti orqanlarında;

-  Özəl şirkətlərdə;

-  Güc nazirliklərində ixtisası üzrə;

-  Təhsil müəssisələrində və s.

Mexanika mühəndisliyi (tədris planı) (təhsil proqramı)

“Mexanika mühəndisliyi” ixtisası geniş profilli ixtisas olub müasir sənayenin və texnikanın bütün sahələrində tətbiq olunan mexaniki qurğuların (maşınlar, avadanlıqlar, cihazlar, aparatlar, aqreqatlar və s.) layihələndirilməsi, istehsalı, istismarı və idarə olunması sahələrini özündə birləşdirir. Mühəndis-mexanik dərəcəsinə yiyələnən məzunlar maye və qazların mexanikası, konstruksiyaların dayanıqlığı və möhkəmliyi, ənənəvi və alternativ enerjinin əldə olunması texnologiyaları haqqında biliklərə malik olurlar. Bu ixtisas üzrə tədris edilən baza mühəndislik fənlərinin tədrisi nəticəsində tələbələr müxtəlif təyinatlı mülki və sənaye qurğularının, maşın və avadanlıqların konstruksiyalarının dayanıqlığı və möhkəmliyi haqqında biliklər əldə edirlər. Mexanika mühəndisi ixtisasını bitirənlər nasosların, turbinlərin, kompressorların, eləcə də mədən maşınlarının konstruksiyası və iş prinsipi haqqında malik olduqları nəzəri və praktiki biliklər hesabına neft-qaz sektorunda, eləcə də bu avadanlıqların tətbiq olunduğu digər sənaye sahələrində (məsələn, su elektrik stansiyaları, qida sənayesi müəssisələri və s.) də karyera qurmaq imkanlarına malik olurlar. Müasir əmək bazarının tələblərinə uyğun mühəndislik həllərini həyata keçirmək üçün tələbələrə rəqəmsal bacarıqlar və proqramlaşdırma, süni intellekt və maşın öyrənməsi, 3D modelləşdirmə və additiv istehsal, İoT (Əşyaların İnterneti) və sənaye 4.0, dayanıqlı inkişaf və yaşıl texnologiyalar kimi istiqamətləri əhatə edən fənlər tədris olunur.

Tələbələrin ixtisasları üzrə yüksək keyfiyyətli təhsil almaları üçün AzTU-da real sənaye avadanlıqlarının da yer aldığı tədris laboratoriyaları mövcuddur.

Təhsil müddətini başa vurduqda məzunlar aşağıdakı əsas peşə kompetensiyalarına yiyələnirlər:

- neft-qaz, energetika, maşınqayırma və digər sənaye sahələrində istismar edilən mexaniki qurğuların layihələndirilməsi və iş prinsipi haqqında baza biliklərə;

- sənaye və mülki təyinatlı qurğularının, eləcə də tikililərinin dayanıqlığı və möhkəmliyinin təyin olunması ilə nəzəri biliklərə;

- maye və qazların mexanikası, onların nəqli və saxlanması üçün istifadə olunan avadanlıqların iş prinsipi, eləcə də konstruksiyası haqqında biliklərə;

- müasir proqram təminatlarından istifadə etməklə müxtəlif təyinatlı konstruksiyaların dayanıqlığa və möhkəmliyə simulyasiyasını aparmaq bacarığına;

Mexanika mühəndisi ixtisası üzrə təhsil almış məzunlar işlə təmin olunurlar:

-  Azərbaycan Dövlət Neft Şirkəti, İmprotex industries MMC, İdrak Texnoloji Transfer MMC və s. kimi müəssissələrdə; 

-   Bakı Gəmiqayırma Zavodu, Sumqayıt Texnologiyalar Parkı (STP), Mingəçevir SES, Sərsəng Su Anbarı və s. kimi müxtəlif təyinatlı dövlət və özəl sənaye müəssisələrində;

-  Rəsmi dövlət qurumlarında;

-  Mərkəzi və yerli icra hakimiyyəti orqanlarında;

-  Özəl şirkətlərdə;

-  Güc nazirliklərində ixtisası üzrə;

-  Təhsil müəssisələrində və s.

Cihaz mühəndisliyi (tədris planı) (təhsil proqramı)

“Cihaz mühəndisliyi” geniş profilli ixtisas sahəsidir. Məzunlar maşınqayırma, aviasiya, kosmik, tibbi, yanacaq-enerji kompleksləri, o cümlədən neft-qaz, neft-kimya və qida sənayesi sahələrində tətbiq olunan cihaz hissələrinin layihələndirilməsi və istehsalı, ölçmə və onun texnikası, ölçmə proseslərinin avtomatlaşdırılması kimi peşə biliklərinə malik olurlar. Müasir əmək bazarının tələblərinə uyğun mühəndislik həllərini həyata keçirmək üçün tələbələrə rəqəmsal bacarıqlar və proqramlaşdırma, süni intellekt və maşın öyrənməsi, 3D modelləşdirmə və additiv istehsal, İoT (Əşyaların İnterneti) və sənaye 4.0, dayanıqlı inkişaf və yaşıl texnologiyalar kimi istiqamətləri əhatə edən fənlər tədris olunur.

Təhsil müddətini başa vurduqda məzunlar aşağıdakı əsas peşə kompetensiyalarına yiyələnirlər:

- cihaz, sistem və komplekslərin layihələndirilməsi, konstruksiya edilməsi və istehsalı ilə əlaqədar ümummühəndis biliklərini, mühəndis fəaliyyətində riyazi analiz və modelləşdirmə metodlarını tətbiq etməyə;

- İKT sahəsində qazandığı biliklər hesabına sərbəst şəkildə kompüter sistemlərinin aparat və proqram təminatından istifadə edə bilməyə;

- müasir proqram təminatlarından istifadə etməklə cihazların və onların hissələrinin 2D və 3D modelləşdirməsini, eləcə də simulyasiyanı icra etməyə;

- müxtəlif sahələrdə istifadə olunan cihazların öyrənilməsi, onların istismarı zamanı metroloji təminat və xətaların analizini aparmağa;

- keyfiyyətin təminatı ilə bağlı yerli və beynəlxalq standartlar, metroloji şərtlər və qaydalar haqqında biliklərə.

Cihaz mühəndislərinin peşə fəaliyyətinə, həmçinin müəsissələrdə və digər təşkilatlarda istifadə olunan alət və avadanlıqların, müasir ölçmə texnikalarının standartlara uyğunluğunun təmin edilməsi daxildir. Bu ixtisas üzrə təhsil alan tələbələr təhsil aldıqları dövrdə cihaz mühəndisliyi ilə bağlı real praktiki biliklər əldə edərək yüksək ixtisaslı kadr kimi yetişirlər. Bunun üçün AzTU-da real sənaye avadanlıqlarının yer aldığı tədris laboratoriyaları mövcuddur.

Məzunlar aviasiya cihazlarının istehsalı və istismarı sənayesində, həmçinin yüngül və ağır sənaye sahələrində, hərbi sənaye obyektlərində, ətraf mühitin monitorinqi sistemlərində, ekoloji və meteoroloji sistemlərdə, hidroakustik və informasiya-ölçmə sistemlərində fəaliyyət göstərə bilərlər. Cihaz mühəndisi ixtisası üzrə məzunlar işlə təmin olunurlar:

-  Dövlət və özəl sənaye müəssisələrində, o cümlədən Müdafiə Sənayesi Nazirliyinin tabeliyində olan sənaye müəssisələrində;

-  Rəsmi dövlət qurumlarında;

-  Mərkəzi və yerli icra hakimiyyəti orqanlarında;

-  Özəl şirkətlərdə;

-  Dövlət Gömrük Komitəsində ixtisası üzrə;

-  Güc nazirliklərində ixtisası üzrə;

-  Tibb müəssisələrində ixtisası üzrə;

-  Təhsil müəssisələrində və s.

Proseslərin avtomatlaşdırılması mühəndisliyi (təhsil proqramı)

“Proseslərin avtomatlaşdırılması mühəndisliyi” sənayenin müxtəlif sahələrində sistemlərin və proseslərin avtomatlaşdırılması, idarə olunması və tənzimlənməsini əhatə edən aparıcı mühəndislik sahəsidir. Bu ixtisas üzrə təhsil alan tələbələr neft-qaz, energetika, dağ-mədən, qida, maşınqayırma, metallurgiya, nəqliyyat, rabitə, eləcə də hərbi və mülki təyinatlı sahələrdə tətbiq olunan ölçmə texnikaları, analoq və rəqəmsal elektronika, mikroprosessorlar və proqramlaşdırılan inteqral mikrosxemlər, Siemens, Schneider Electric və s. kimi nüfuzlu şirkətlərin istehsalı olan məntiqi kontrollerlərin (PLC) proqramlaşdırılması, SCADA sistemləri, SCL, HI-Graph dillərinin strukturu və operatorları ilə işləmək bacarıqlarına yiyələnir.

Proseslərin avtomatlaşdırılması mühəndisinin əsas vəzifə öhdəlikləri müxtəlif təyinatlı sistem və proseslərin səmərəliliyini artırmaq, sistem və proseslərin avtomatlaşdırılması hesabına insan əməyini azaltmaq, dəqiqliyini və etibarlılığını yüksəltməkdən ibarətdir.

Müasir əmək bazarının tələblərinə uyğun mühəndislik həllərini həyata keçirmək üçün tələbələrə rəqəmsal bacarıqlar və proqramlaşdırma, süni intellekt və maşın öyrənməsi, 3D modelləşdirmə, İoT (Əşyaların İnterneti), müxtəlif sensorlar, vericilər və aktuatorlarla işləmək, elcə də dayanıqlı inkişafın hədəflərinə xidmət edən sənaye, innovasiya və infrastruktur, yaşıl texnologiyalar kimi istiqamətləri əhatə edən fənlər tədris olunur.

Tələb olunan praktiki bacarıqlara yiyələnmək üçün AzTU-da real sənaye avadanlıqlarının, cihazlarının və onların işçi modellərinin yer aldığı tədris laboratoriyaları mövcuddur.

Təhsil müddətini başa vurduqda məzunlar aşağıdakı əsas peşə kompetensiyalarına yiyələnirlər:

- neft-qaz, metallurgiya, energetika, maşınqayırma və digər sənaye sahələrində istifadə olunan avtomatik idarə etmə sistemləri haqqında baza biliklərə;

- avtomatik idarəetmə sistemlərinin elektron elementlərinin təhlil etməyi, struktur, funksional, prinsipial və yığım sxemlərini oxumaq bacarığına;

- analoq və rəqəmsal elementləri, mikrosxemləri və elektron qovşaqları sintez etmək bacarığına;

- proqramlaşdırılan inteqral mikrosxemləri layihələndirmək və daha səmərəli sistemləri yaratmaq qabiliyyətinə;

- Python, C++, C# və s. kimi müasir proqramlaşdırma dillərində, həmçinin avtomatlaşdırılmış layihələndirmə proqramlarında işləmək bacarığına;

- SCADA sistemləri, SCL, HI-Graph dillərinin strukturu və operatorları ilə işləmək bacarıqlarına;

Proseslərin avtomatlaşdırılması mühəndisliyiixtisası üzrə təhsil almış məzunlar işlə təmin olunurlar:

-Azərbaycan Dövlət Neft Şirkəti, SOCAR Karbamid Zavodu, Heydər Əliyev adına Bakı Neft Emalı Zavodu və s. kimi müəssissələrdə;

-Sumqayıt Texnologiyalar Parkı (STP), İdrak Texnoloji Transfer MMC, Hidroservis Engineering MMC, Gilan Lift və s. kimi müəssissələrdə;

-Mingəçevir SES, Sərsəng Su Anbarı, Səngəçal İES və s. kimi müxtəlif energetika müəssisələrində;

-Norm MMC, Holcim MMC, AAC-müasir inşaat materialları zavodu kimi tikinti materiallarının istehsalı ilə məşğul olan müəssislərdə;

-Müdafiə Sənayesi Nazirliyi, Müdafiə Nazirliyi, Fövqəladə Hallar Nazirliyi və s. kimi qurulmarda;

-Rəsmi dövlət qurumlarında;

-Mərkəzi və yerli icra hakimiyyəti orqanlarında;

-Özəl şirkətlərdə;

-Güc nazirliklərində ixtisası üzrə;

-Təhsil müəssisələrində və s.