Menu
Some text as placeholder. In real life you can have the elements you have chosen. Like, text, images, lists, etc.




Xəbərlər

AzTU

CRENG layihəsinin yekun toplantısı keçirilib

“Erasmus+” KA2 proqramı üzrə həyata keçirilən “Nəqliyyat xidmətləri üçün risk və böhran mühəndisliyi” (CRENG) layihəsinin yekun toplantısı keçirilib. Varşava Texnologiya Universitetinin təşkilatçılığı ilə onlayn keçirilən toplantıda Azərbaycan, Ukrayna və Türkmənistanı təmsil edən universitetlərin nümayəndələri iştirak edib. Tərəfdaş universitetlərdən olan Azərbaycan Texniki Universitetində (AzTU) CRENG layihəsi üzrə görülən işlərin nəticələri və layihənin faydaları geniş təqdimatla iştirakçıların diqqətinə çatdırılıb. Bildirilib ki, “Nəqliyyat xidmətləri üçün risk və böhran mühəndisliyi” üzrə Avropa tərəfdaşlarının bələdçiliyi ilə yeni məzmun hazırlanıb, magistr ixtisaslaşması açılıbvə dəsrlərin tələbə yönümlü təşkil olunması üçün metodoloji vasitələr işlənilib. Daha sonra universitetdə kompüter avadanlığı və proqram təminatı ilə təchiz olunan laboratoriya və bilik mərkəzi qurularaq tələbə və müəllim heyətinin istifadəsinə verilib. Hazırda laboratoriya və bilik mərkəzinin imkanlarından AzTU-nun Logistika və Nəqliyyat İnstitutunda müxtəlif layihələrin işlənilməsində istifadə olunur. Bundan başqa, yeni magistr ixtisaslaşması üzrə tədrisə cəlb olunan 9 müəllim təlimlərdə iştirak edib. Layihədən əldə olunan təcrübə əsasında universitetdə nəqliyyat sahəsinə aid digər tədris proqramlarına dəyişiklik edilərək layihələrin idarəolunması və nəqliyyatda riskin idarəolunması üzrə fənlər əlavə edilib.  

“Erasmus+” KA2 proqramı üzrə həyata keçirilən “Nəqliyyat xidmətləri üçün risk və böhran mühəndisliyi” (CRENG) layihəsinin yekun toplantısı keçirilib. Varşava Texnol ..

2022-07-18
AzTU

Daşkənd Dövlət Nəqliyyat Universitetinin əməkdaşları AzTU-da səfərdədir

Daşkənd Dövlət Nəqliyyat Universitetinin (DDNU) əməkdaşları Umudulla Abdurrozakov və Kamoliddin Ziyayev Azərbaycan Texniki Universitetində (AzTU) səfərdədir. Səfər çərçivəsində qonaqlar AzTU-nun rektoru Vilayət Vəliyev və universitetin professor-müəllim heyəti ilə görüşüb. Görüşdə “İçərişəhər” Dövlət Tarix-Memarlıq Qoruğu İdarəsi, “Azərbaycan Dəmir Yolları” QSC və Bakı Nəqliyyat Agentliyinin nümayəndələri də iştirak edib. Qonaqları salamlayan rektor Vilayət Vəliyev ötən ay Azərbaycan Prezidenti İlham Əliyevin Özbəkistana tarixi səfərini xatırladıb. Bilirib ki, tarixi köklərə bağlı olan Azərbaycan və Özbəkistan əlaqələri Prezident İlham Əliyevin bu ölkəyə səfərindən sonra daha da möhkəmlənib və əməkdaşlığın inkişafında yeni hədəflər müəyyən olunub. Rektor deyib ki, Özbəkistan nümayəndələrinin AzTU-ya səfərinin məqsədi müasir proqram təminatınının köməyilə şəhərlərin baş planının və şəhərdaxili hərəkətlilik (mobillik) planının hazırlanması, o cümlədən elektromobillərin layihələndirilməsi ilə bağlı təcrübə mübadiləsi aparmaqdır. Daha sonra DDNU-nun əməkdaşları Umudulla Abdurrozakov və Kamoliddin Ziyayev təmsil etdikləri ali təhsil müəssisəsi haqqında geniş təqdimatla çıxış ediblər. Onlar Özbəkistan hökümətinə təqdim etdikləri Səmərqənd şəhərinin mobillik planı, həmçinin digər tədqiqat işləri ilə bağlı məlumatları tədbir iştirakçılarının diqqətinə çatdırıblar. Qeyd edək ki, Özbəkistan nümayəndələrinin AzTU-ya səfəri davam edir.       

Daşkənd Dövlət Nəqliyyat Universitetinin (DDNU) əməkdaşları Umudulla Abdurrozakov və Kamoliddin Ziyayev Azərbaycan Texniki Universitetində (AzTU) səfərdədir. Səfər çərçivəsind ..

2022-07-15
AzTU

AzTU-da təkrar ali təhsil almaq üçün sənəd qəbulu davam edir

Azərbaycan Texniki Universitetində (AzTU) 2022/2023-cü tədris ili üzrə (əyani və qiyabi) ödənişli əsaslarla təkrar ali təhsil almaq üçün sənəd qəbulu davam edir. Qəbul yalnız elektron qaydada həyata keçirilir.  Təkrar ali təhsil almaq istəyənlər http://tekrar-alitehsil.aztu.edu.az:9594/ linkinə daxil olub qeydiyyatdan keçərək aşağıdakı sənədləri elektron formada təqdim etməlidirlər: · rektorun adına ərizə; · ali təhsil haqqında sənədin (diplomun və əlavəsinin) notarial təsdiqi; · 3x4 sm ölçüdə fotoşəkil; · şəxsiyyət vəsiqəsinin surəti. Qeyd: 1993-cü ildən sonra xarici ölkələrdə ali təhsil almış şəxslərin diplomları mövcud qaydada Azərbaycan Respublikası Təhsil Nazirliyi tərəfindən tanındıqdan sonra universitetdə təkrar ali təhsil ala bilərlər. Sənəd qəbulu üçün son tarix:  01.08. 2022. İXTİSASLAR Əlavə məlumat üçün:  Telefon: (050) 261-38-16                (012) 539-12-65 E-poçt: [email protected]

Azərbaycan Texniki Universitetində (AzTU) 2022/2023-cü tədris ili üzrə (əyani və qiyabi) ödənişli əsaslarla təkrar ali təhsil almaq üçün sənəd qəbulu davam edir. Qəbul yalnız el ..

2022-07-14
AzTU

AzTU-da yeni kafedra və institut yaradıldı

Azərbaycan Texniki Universitetinin (AzTU) Elmi şurasının 2021/2022-ci tədris ili üzrə sonuncu iclası keçirilib. İclasda yay imtahan sessiyasının nəticələri və tədris ilində universitetin fəaliyyəti barədə məlumat verilib. Həmçinin növbəti semestr üçün perspektiv inkişafla bağlı müzakirələr aparılıb və müvafiq qərarlar qəbul edilib. İclasda dövlətin kibertəhlükəsizlik və informasiya təhlükəsizliyi üzrə prioritetləri nəzərə alınaraq AzTU-nun İKT yönümlü kafedralarının strukturunun təkmilləşdirilməsi və yeni Kibertəhlükəsizlik kafedrasının yaradılması qərara alınıb. AzTU-da xarici dil hazırlığının təşkili və xarici dil biliklərinin müasir standartlara uyğun tədrisinə yardım məqsədilə Xarici Dil Texnologiyaları İnstitutunun yaradılmasına qərar verilib. 

Azərbaycan Texniki Universitetinin (AzTU) Elmi şurasının 2021/2022-ci tədris ili üzrə sonuncu iclası keçirilib. İclasda yay imtahan sessiyasının nəticələri və tədris ilində universit ..

2022-07-14
AzTU

Rektor Vilayət Vəliyevin Qurban bayramı münasibətilə təbriki

Azərbaycan Texniki Universitetinin (AzTU) rektoru Vilayət Vəliyev rəsmi feysbuk səhifəsində Qurban bayramı münasibətilə paylaşım edib. Paylaşımda deyilir: “Hörmətli professor-müəllim heyəti, əziz tələbələr!!  İnsanları xeyirxahlığa, birliyə, humanizmə, mərhəmətə, milli-mənəvi dəyərlərə sadiqliyə dəvət edən müqəddəs Qurban bayramı münasibətilə hər birinizi səmimi-qəlbdən təbrik edirəm! Müsəlman aləmi üçün əziz olan bu bayramda kəsdiyiniz qurbanların və etdiyiniz duaların Tanrı dərgahında qəbul olunmasını arzulayıram! Müqəddəs Qurban bayramı ailələrinizə səadət, süfrələrinizə bol ruzi-bərəkət gətirsin! Bayramınız mübarək olsun!                   

Azərbaycan Texniki Universitetinin (AzTU) rektoru Vilayət Vəliyev rəsmi feysbuk səhifəsində Qurban bayramı münasibətilə paylaşım edib. Paylaşımda deyilir: “Hörmətli professor-m ..

2022-07-08
AzTU

Kafedranın əməkdaşları yeni layihə çərçivəsində keçirilən təlimdə iştirak ediblər

Təhsil Nazirliyinin maliyyələşdirdiyi və AzTU tərəfindən icra edilən “AzTU-da prioritet mühəndislik ixtisasları üzrə professor-müəllim heyətinin akademik mobilliyininin səmərəli təşkili ilə elmi potensialın gücləndirilməsi və yüksək ixtisaslı kadr hazırlığının təmin olunması mexanizminin yaradılması” layihəsi çərçivəsində elmi-tədqiqat  potensialın artırılması üzrə təlimlərə start verilib.  "Elmi məqalə yazılması qaydaları" proqramı üzrə keçirilən ilk təlimdə iştirak edən İqtisadiyyat və statistika kafedrasının müəllimlərinə sertifikat təqdim olunub. Layihə çərçivəsində həmçinin "Elmi işlərin yazılmasında modern yanaşmalar", "Tədqiqat metodları: Kəmiyyət metodları", "Tədqiqat metodları: Keyfiyyət metodları", "Beynəlxalq indeksli jurnallarda məqalə nəşr edilməsi qaydaları” mövzusunda da təlimlər keçiriləcək.   

Təhsil Nazirliyinin maliyyələşdirdiyi və AzTU tərəfindən icra edilən “AzTU-da prioritet mühəndislik ixtisasları üzrə professor-müəllim heyətinin akademik mobilliyininin səmərəl ..

2022-07-08
AzTU

AzTU-nun “SABAH” qruplarının tələbələri Tbilisidə keçirilən olimpiadada iştirak edib

 Azərbaycan Texniki Universitetinin (AzTU) “SABAH” qruplarının tələbələri - Sevinc Yaqubzadə, Şahnaz Məmmədova və Ömər Ələsgərovdan ibarət “SABAH 1” komandası Tbilisidə keçirilən “Open Southern Caucasus Championship 2022” olimpiadasında iştirak edib. AzTU ilə yanaşı UFAZ, ADNSU və ADA universitetinin də iştirak etdiyi olimpiadada tələbələr fərdi və komanda şəklində yarışıb. Sonda “SABAH 1” komandasının üzvlərinə sertifikat və hədiyyələr təqdim olunub. Qeyd edək ki, komanda 2021-ci ildə keçirilən ICPC Azərbaycan Regional müsabiqəsində uğurla iştirakı edərək olimpiyadaya vəsiqə qazanıb.  

 Azərbaycan Texniki Universitetinin (AzTU) “SABAH” qruplarının tələbələri - Sevinc Yaqubzadə, Şahnaz Məmmədova və Ömər Ələsgərovdan ibarət “SABAH 1” komandası Tbilisid ..

2022-07-06
AzTU

AzTU-nun rektoru Türkiyədə tədris-tədqiqat proqramında iştirak etmiş bir qrup tələbə və əməkdaşla görüşüb

Azərbaycan Texniki Universitetinin (AzTU) rektoru Vilayət Vəliyev “Türkiyədə - 100 assistent tədris-tədqiqat proqramı”nda iştirak edib, Vətənə dönən bir qrup tələbə və əməkdaşla görüşüb. Rektor bildirib ki, proqram çərçivəsində AzTU əməkdaşları və tələbələr Türkiyənin müxtəlif universitetlərində müvafiq ixtisaslar üzrə iki aylıq tədris-tədqiqat prosesinə cəlb olunub. Məqsəd əmək bazarının tələblərinə cavab verən müasir biliklərə malik kadrların hazırlanması və Türkiyə universitetlərinin təcrübəsinin AzTU-da tətbiq olunmasıdır.  Qeyd olunub ki, tələbə və əməkdaşlar üçün belə fürsətlərin yaradılması onların şəxsi inkişafı və karyera planlaşdırması, eləcə də akademik və pedaqoji fəaliyyətlərinin daha da təkmilləşdirilməsi üçün faydalıdır. Daha sonra Türkiyədən qayıtmış tələbə və əməkdaşlar təəssüratlarını bölüşüb, həmçinin proqram müddətində fəaliyytələri barədə ətraflı məlumat veriblər.     

Azərbaycan Texniki Universitetinin (AzTU) rektoru Vilayət Vəliyev “Türkiyədə - 100 assistent tədris-tədqiqat proqramı”nda iştirak edib, Vətənə dönən bir qrup tələbə və əməkd ..

2022-07-06
AzTU

AzTU-nun bir qrup tələbəsi Çovdar İnteqrəolunmuş Regional Emal Sahəsinə səfər edib

Azərbaycan Texniki Universitetinin (AzTU) Metallurgiya və materialşünaslıq fakültəsinin dekanı Nizami Poladov, dekan müavini Şahin Maşayev, həmçinin bir qrup tələbəsi “AzerGold” Qapalı Səhmdar Cəmiyyətinin Çovdar İnteqrəolunmuş Regional Emal Sahəsinə (ÇİRES) səfər edib. AzTU ilə “AzerGold” QSC arasında imzalanmış əməkdaşlıq memorandumu çərçivəsində gerçəkləşən səfər ÇİRES-in fəaliyyəti ilə əyani tanışlıq və məlumat mübadiləsi məqsədilə təşkil olunub. Tanıtım səfəri emal sahəsində təhlükəsizlik qaydaları ilə tanışlıqdan başlayıb. Daha sonra qonaqlara laboratoriyanın iş prinsipi, sahədə çalışan işçilər üçün yaradılan şərait, həmçinin qiymətli metalların hasilat və emal prosesi haqqında ətraflı məlumat verilib. Qızılın hasilatı, müasir texnologiyaların tətbiqi və ətraf mühitin qorunması istiqamətləri üzrə görülən işlər heyətdə böyük maraq doğurub. Səfər zamanı Cəmiyyətin mütəxəssisləri qonaqları maraqlandıran sualları cavablandırıb.     

Azərbaycan Texniki Universitetinin (AzTU) Metallurgiya və materialşünaslıq fakültəsinin dekanı Nizami Poladov, dekan müavini Şahin Maşayev, həmçinin bir qrup tələbəsi “AzerGold” Q ..

2022-07-06
AzTU

AzTU mütəxəssislərinin hazırladığı "Beynəlxalq avtomobil yük daşımalarında sürücü bələdçisi" kitabının təqdimatı olub

Logistika sahəsi üçün kadr hazırlığı üzrə ixtisaslaşan “AZTUGEM” təlim-tədris mərkəzi özünün faəliyyət istiqamətini ictimaiyyətə təqdim edib. Tədbirdə Rəqəmsal İnkişaf və Nəqliyyat Nazirliyi, Azərbaycan Yerüstü Nəqliyyat Agentliyi, Peşə Təhsili üzrə Dövlət Agentliyi, Azərbaycan Beynəlxalq Avtomobil Daşıyıcıları Assosasiyası, Azərbaycan Texniki Universiteti (AzTU), eləcə də logistika və nəqliyyat sahəsində fəaliyyət göstərən yerli şirkətlərin nümayəndələri iştirak ediblər. Əvvəlcə “AZTUGEM” təlim-tədris mərkəzinin tanıtım çarxı və saytı qonaqlara təqdim olunub. Tədbirdə çıxış edən AzTU-nun rektoru Vilayət Vəliyev universitetin son illər nəqliyyat və logistika sektorunun inkişafı istiqamətində müxtəlif layihələrə imza atdığını bildirib. Rektor deyib ki, AzTU-da nəqliyyat və logistika sahəsi üçün kadr hazırlığının beynəlxalq standartlar səviyyəsində həyata keçirilməsinə böyük önəm verilir. Daha sonra AzTU mütəxəssislərinin hazırladığı "Beynəlxalq avtomobil yük daşımalarında sürücü bələdçisi" kitabı qonaqlara təqdim olunub.     

Logistika sahəsi üçün kadr hazırlığı üzrə ixtisaslaşan “AZTUGEM” təlim-tədris mərkəzi özünün faəliyyət istiqamətini ictimaiyyətə təqdim edib. Tədbirdə Rəqəmsal İnki ..

2022-06-30