Azərbaycan Texniki Universitetinin Tələbə Həmkarlar İttifaqı Komitəsinin (AzTU THİK) üzvü olan bir qrup tələbə II Fəxri Xiyabanı ziyarət edib. Tələbələr torpaqlarımızın ərazi bütövlüyü uğrunda canlarından keçən Vətən övladlarının xatirəsinə ehtiramlarını bildirib, məzarları önünə gül dəstələri düzüblər. 

Azərbaycan Texniki Universitetinin (AzTU) professoru Çingiz Əfəndiyev 89 yaşında vəfat edib. Çingiz Əfəndiyev 1933-cü il sentyabrın 19-da Bakıda anadan olub. 1956-cı ildə Odessa Elektrotexnika Rabitə İnstitutunun Radiorabitə və radioyayım fakültəsini bitirib. 1967-ci ildən Azərbaycan Politexnik İnstitutunda (indiki AzTU) fəaliyyətə başlayıb. 1974-cü ildə Televiziya və radiosistemlər kafedrasının müdiri, 1988-1996-cı illərdə isə Radiotexnika fakültəsinin dekanı vəzifəsində çalışıb. 1991-ci ildə professor elmi adını alıb. 1996-2006-cı illərdə Türkiyənin On Doqquz May Universitetinin Mühəndislik fakültəsində professor vəzifəsində işləyib. 2007-ci ilin yanvar ayından AzTU-nun professoru vəzifəsində çalışıb. 130-a yaxın elmi əsərin, 12 kitabın və 2 monoqrafiyanın müəllifidir. AzTU-nun rəhbərliyi və kollektivi Çingiz Əfəndiyevin vəfatından kədərlənir, ailəsinə və yaxınlarına başsağlığı verir. Allah rəhmət eləsin!

Azərbaycan Texniki Universitetinin (AzTU) tərəfdaşı olduğu “Erasmus+” KA2 proqramının UniClad layihəsi çərçivəsində hazırlanan “Yem kalkulyatoru” mobil tətbiqi Kənd Təsərrüfatı Nazirliyinin Heyvandarlıq Elmi-Tədqiqat İnstitutunda fermerlərə təqdim olunub.   Təqdimatda layihənin proqram təminatını işləyib hazırlayan AzTU-nun Mühəndis riyaziyyatı və suni intellekt kafedrasının baş müəllimi Natiq Qurbanov da iştirak edib. Natiq Qurbanov mobil tətbiqin iş prinsipini geniş təqdimatla fermerlərə izah edib və onun “Google Play” üzərindən əlçatan olduğunu bildirib.   Qeyd olunub ki, “Yem kalkulayatoru” fermerlərə ev heyvanları üçün illik balanslaşdırılmış qidalı yem tərkibinin, bu yemin becərilməsi üçün zəruri əkin sahəsinin hesablanmasını, habelə fermerlərin müvafiq mövzu üzrə maarifləndirilməsi və müvafiq məlumatların çatdırılmasını təmin edən faydalı resursdur. Mobil tətbiqdə fermerlərin yerləşdikləri ərazi üzrə hava məlumatı və yemlərin qidalılıq normaları haqqında faydalı məlumatlar yerləşdirililib. Xatırladaq ki, “Yem kalkulayatoru” mobil tətbiqi “İnnovasiya və dayanıqlılıq prinsipləri ilə klasterlərin işlənməsinə başlamaqda və iştirakda universitetlərin potensialının artırılması” layihəsi (UniClaD) çərçivəsində AzTU-da yaradılmış İnnovativ Texnologiyalar Mərkəzində pilot layihə olaraq işlənib. Pilot layihə Kənd Təsərüfatı Nazirliyinin Heyvandarlığın təşkili və monitorinqi şöbəsi və Aqrar İnnovasiya Mərkəzi ilə birgə əməkdaşlıq çərçivəsində həyata keçirilib. Mobil tətbiqə məlumatların daxil edilməsi prosesinə AzTU-nun İnformasiya və telekommunikasiya texnologiyaları fakültəsinin tələbələri cəlb olunub.

Azərbaycan Texniki Universitetinin (AzTU) Xarici Dil Texnologiyaları İnstitutunun direktoru, filologiya elmlər doktoru, professor Əfqan Abdullayevin “Konseptual inteqrasiya, məna və anlama” (Conseptual integration, meaning and understanding) adlı məqaləsi Norveç Elmlər Akademiyasının təsis etdiyi “Norveç Beynəlxalq Elmin İnkişafı Jurnalı”nın (Norwegian Journal of development of the International Science (ISSN 3453-9875)) 92-ci sayında nəşr olunub. Jurnalın baş redaktotu Oslo Universitetinin professoru Karin Kristiansendir.  Əfqan Abdullayevin “Bizi əhatə edən dünyanı necə qavrayaq və başa düşək” (How to Perceive and Comprehend the World around Us?)  adlı məqaləsi isə “Müasir Elmlərə dair Alman Beynəlxalq Jurnalı”nda (Deutsche internationale Zeitschrift für zeitgenössische Wissenschaft) çapdan çıxıb. Müasir Elmlərə dair Alman Beynəlxalq Jurnalı Norveç Beynəlxalq Elmin İnkişafı Jurnalı

Azərbaycan Texniki Universiteti (AzTU) ilə "Azerbaijan Energy Engineering and Consulting" MMC və Türkiyənin EPRA (EPRA Engineering, Procurement Recearch an Analysys) şirkəti arasında üçtərəfli anlaşma memorandumu imzalanıb. Memoranduma əsasən, tərəflər elektroenergetika sektorunda mövcud problemlərin həllinə və enerji sisteminin ehtiyaclarının ödənilməsinə yönəlmiş tədris proqramlarının hazırlanması, tədqiqat, məsləhət və texniki xidmətlərin göstərilməsi ilə bağlı universitet-sənaye işbirliyinin inkişaf etdirilməsi istiqamətində əməkdaşlıq edəcəklər.

Azərbaycan Texniki Universitetində (AzTU) Dövlət İmtahan Mərkəzinin (DİM) və ACCA assosiasiyasının Türkiyə qolunun (Türkiyə, Azərbaycan və Gürcüstan) nümayəndələri ilə görüş keçirilib. Görüşün məqsədi AzTU-nun İqtisadiyyat və idarəetmə fakültəsində maliyyə və idarəetmə, həmçinin peşəkar mühasib sertifikatlarına bərabər sayılan imtahanların təşkili üçün sillabus və tədris proqramlarının beynəlxalq mühasibatlıq standartlarına uyğunlaşdırılması istiqamətində danışıqlar aparmaqdan ibarət olub. Qeyd edək ki, işçi görüşlər mütəmadi olaraq davam etdiriləcək.

Türkiyənin Fırat Universitetinin prorektoru Mehmet Yılmaz və universitetin nümayəndələri Azərbaycan Texniki Universitetinin (AzTU) qonağı olub. Qonaqlar AzTU-nun rektoru Vilayət Vəliyev və universitetin nümayəndələri ilə görüşüb. Görüşdə hər iki universitet arasında müvafiq sahələr üzrə əmədaşlıq istiqamətləri müzakirə olunub.

Azərbaycan Texniki Universitetinin (AzTU) məzunu, Aprel döyüşlərində qəhrəmancasına şəhid olan Müşfiq Orucov 1994-cü il sentyabrın 18-də Bakıda anadan olub. 7 saylı Zəngilan orta məktəbini bitirən Müşfiq Orucov 2011-ci ildə AzTU-nun Avtomatika və kompüter texnikası fakültəsinə qəbul olunub. 2015-ci ildə universiteti bitirdikdən sonra hərbi xidmətə yollanıb. 2016-cı il aprelin 5-də Tərtər döyüşlərində qəhrəmancasına şəhidlik zirvəsinə ucalıb. Prezident İlham Əliyevin Sərəncamı ilə Müşfiq Orucov ölümündən sonra “Vətən uğrunda” medalı ilə təltif olunub. Allah bütün şəhidlərimizə rəhmət eləsin!Şəhidlərimizin ruhu qarşısında baş əyirik!

2022/2023-cü illər üzrə Azərbaycan Texniki Universitetində (AzTU) “Erasmus+” KA2 proqramının “Rusiya Federasiyası, Qazaxıstan və Azərbaycanda səhiyyədə strateji keyfiyyət menecmenti, risklərin idarə olunması üzrə açıq və distant təhsil formatında peşə bakalavrı, peşə magistri hazırlığı” (LMQS)  layihəsi çərçivəsində magistratura səviyyəsində yeni  yaradılan səhiyyədə keyfiyyətin və risklərin idarə olunması ixtisasına tələbə qəbulu həyata keçirilib. Yeni tədris ilindən adıçəkilən ixtisas üzrə 19 tələbə təhsil alacaq. Bundan başqa, AzTU-nun bakalavriat səviyyəsində də səhiyyədə keyfiyyətin və risklərin idarə olunması ixtisası üzrə tələbə qəbulunun həyata keçirilməsi nəzərdə tutulub. Qeyd edək ki, layihə çərçivəsində AzTU-nun əməkdaşları Yunanıstanın Qərbi Attika Universitetində təlim proqramında iştirak edib, bu sahədə qabaqcıl Avropa universitetlərinin tədris proqramları ilə tanış olub, müvafiq tədris materialları əldə ediblər.  

Azərbaycan Texniki Universitetində (AzTU) 2022/2023-cü tədris ili başlayıb. Yeni tədris ilində bütün fakültələrdə tələbələrlə vətənpərvərliyin təbliği istiqamətində söhbətlər aparılıb. Sentyabrın 12-si gecə və 13-ü səhər saatlarında Ermənistan silahlı qüvvələri tərəfindən Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində törədilən genişmiqyaslı təxribatın qarşısı alınarkən şəhid olmuş hərbi qulluqçularımızın əziz xatirəsi bir dəqiqəlik sükutla yad edilib.