Azərbaycan Texniki Universitetinin (AzTU) Metallurgiya və materialşünaslıq fakültəsinin 3-cü kurs tələbəsi Samir Əhədli bədbəxt hadisə nəticəsində vəfat edib.
Samir Əhədli iyunun 20-də Xəzər rayonu, Buzovna qəsəbəsi yaxınlığında dənizdə batıb. Onun nəşi iyunun 23-ü səhər saatlarında FHN xilasediciləri tərəfindən sudan çıxarılaraq aidiyyəti üzrə təhvil verilib.
AzTU-nun rəhbərliyi və kollektivi Samir Əhədlinin vaxtsız vəfatından kədərlənir, ailəsinə və yaxınlarına başsağlığı verir.